9 azərbaycanlı uşaq xarici vətəndaşlara övladlığa verilib

9 azərbaycanlı uşaq xarici vətəndaşlara övladlığa verilib

Azərbaycanda 2018-ci ilin birinci yarısında 9 uşaq əcnəbi vətəndaşlara övladlığa verilib. 

Bu barədə Azvision.az -ın sorğusuna cavab olaraq Dövlət Statistika Komitəsindən bildirilib. Əcnəbi vətəndaşlara övladlığa verilənlərdən 8-i oğlan, 1-i isə qız uşağıdır.

Qeyd edək ki, cari ilin birinci yarısında övladlığa götürülməsi barədə qərarları ləğv edilən uşaqların sayı 36 nəfərdir. Bunlardan 11 nəfəri qızdır. Əsasən 11-17 yaşında 27 uşağın, 6-10 yaşda 8 uşağın, 1-5 yaşda 1 uşağın övladlığa verilməsi barədə qərar ləğv edilib.