A Seriyası: "Yuventus"u məğlub edən "Napoli" lider oldu

İtaliya A Seriyasında 14-cü turun mərkəzi matçında "Napoli" "Yuventus"u qəbul edib.

Ens.Az xəbər verir ki, gərgin keçən görüşdə qalib meydan sahibləri olublar.

Rasmus Hoylundun dublu (7, 78) Neapol təmsilçisinin qələbəsini təmin edib. Kənan Yıldızın (59) dəqiq zərbəsi qonaqlara məğlubiyyətdən xilas olmaq üçün kifayət etməyib - 2:1.

Bu qələbə sayəsində "Napoli" 31 xalla turnir cədvəlində liderliyə yüksəlib. Turin klubu isə 23 xalla 7-ci pillədə qərarlaşıb.