Abbas Əraqçı: "Tehran ABŞ ilə danışıqların yenidən başlaması barədə qərar qəbul etməyib"

"Rəsmi Tehran ABŞ ilə danışıqların yenidən başlaması ilə bağlı hələ ki qərara gəlməyib".

Ens.az Oxu.az-a istinadən xəbər verir ki, bu barədə ISNA agentliyi İranın xarici işlər naziri Abbas Əraqçının açıqlamasına istinadən məlumat yayıb.

Xarici siyasət idarəsinin rəhbəri vurğulayıb ki, Pakistan və Qətərin təmasların saxlanılması istiqamətindəki vasitəçilik təşəbbüslərinə baxmayaraq, danışıqların yenidən başladılması üçün hər hansı bir addım atılmayıb.

Əvvəlki kommunikasiya yollarının təsirini itirdiyini bildirən Əraqçı əlavə edib ki, hazırda İran tərəfi gələcəkdə daimi olaraq istifadə edilə biləcək alternativlər üzərində işləyir. Bununla belə, diplomat yeni əlaqə kanalının hansı formada fəaliyyət göstərəcəyinə aydınlıq gətirməyib.

O həmçinin xatırladıb ki, İslamabad memorandumunun müddəalarına əsasən, tərəflər hərbi fəaliyyətlərin dayandırılmasına dair öhdəliklər qəbul etmişdilər. Lakin, Amerika Birləşmiş Ştatları həmin razılaşmanın tələblərini pozub.