ABŞ başlıqsız gizli raketdən istifadə edir

Ens.az xəbər verir ki, ABŞ Müdafiə Nazirliyi Mərkəzi Kəşfiyyat İdarəsi ilə birlikdə ən azı iki dəfə Yaxın Şərqdə hədəfi partlatmadan məhv edən gizli yüksək dəqiqlikli raketdən istifadə edib.

ABŞ Hərbi Qüvvələri amerikan kəşfiyyatının iştirakı ilə Yaxın Şərqdəki terroristlərə qarşı xüsusi əməliyyatlarda xüsusi hazırlanmış və diqqətlə təsnifləşdirmişdir kinetik döyüş sursatından istifadə edir. O, Hellfire idarə edilən raketin əsasında hazırlanıb, amma başlıqdan məhrumdur. R9X raketi MQ-9 Reaper hərbi pilotsuz uçan aparat ailəsinin bortundan zərbələrin vurulması üçün istifadə edilir.

Raketin xüsusiyyəti döyüş hissəsinin olmamasıdır - R9X hədəfə vurulduqda partlamır, onu kinetik enerji ilə məhv edir. Hərbi sursat iki modifikasiyada buraxılır: 45kq çəkili qəlib kimi və ya düşənə bir neçə saniyə qalmış açılan və metaldan betona qədər olan hər şeyi kəsən altı uzun sürüşən ülgücü olan modifikasiya olunmuş versiya kimi.

Buna görə də R9X “uçan Qinsu” və “Nindza-bomba” ləqəbini alıb. Raket 2011-ci ildə Barak Obamanın amerikan pilotsuz qırıcıları zərbələri nəticəsində mülki əhali arasında qurbanların sayını azaltmaq tələbindən sonra hazırlanıb. Döyüş sursatı ən azı iki dəfə yaşayış məntəqələrində terrorçuların məhv edilməsi üçün uğurla tətbiq olunmuşdur və bu hərbçilərə əlavə dağıntı və ölümdən qaçmağa kömək etmişdir.