ABŞ Belarusa qarşı yeni sanksiyalar tətbiq etdi: Lukaşenkonun təyyarəsi də siyahıdadır

Amerika Birləşmiş Ştatları Belarusa və onun prezidenti Aleksandr Lukaşenkoya qarşı yeni sanksiyalar tətbiq edib.

Ens.az Oxu.az-a istinadən xəbər verir ki, bu barədə ABŞ Maliyyə Nazirliyinin saytında məlumat verilib.

“Sanksiyalar 2020-ci ilin avqustunda keçirilən saxta prezident seçkilərindən sonra demokratik hərəkata və vətəndaş cəmiyyətinə qarşı davam edən repressiyalara cavabdır. Bu qərarlar həmçinin Rusiyanın Ukraynaya qarşı əsassız müharibəsində iştirakına görə ABŞ-nin Minsk rejimini məsuliyyətə cəlb etmək istəyini vurğulayır”, - deyə məlumatda qeyd edilib.

Sanskiyalar bir sıra fiziki şəxslərlə yanaşı həmçinin Belarus Mərkəzi Seçki Komissiyası, Belarus Avtomobil Zavodu və Minsk Avtomobil Zavoduna qarşı da tətbiq edilib.  

Eyni zamanda Belarus hökumətinə məxsus olan və Aleksandr Lukaşenko üçün prezident təyyarəsi kimi istifadə edilən “Boeing 737” təyyarəsi də sanksiyalar siyahısına daxil edilib.

Mənbə: RBC-Ukrayna