ABŞ-dəki seçkilərdə son durum: Demokratlar qalib gəlirlər

ABŞ Konqresinin Senatına keçirilən aralıq seçkisinin yekunlarına görə, demokratlar ən azı 51 mandat qazanacaqlar. Bu, onların yuxarı palatada üstünlüyünü təmin edəcək.

Ens.az Oxu.az-a istinadən xəbər verir ki,belə proqnozu "Bloomberg" və "Associated Press" agentlikləri, həmçinin CNN telekanalı verib.

Həmin qurumların və digər media orqanlarının məlumatlarına əsasən, demokratların yuxarı palataya namizədləri xüsusilə Virciniya, Rod-Aylend, Nyu-Meksiko, Nyu-Cersi, Nyu-Hempşir, Massaçusets, İllinoys, Kanzas, Corciya, Delaver, Texas, Kolorado, Oreqon, Cənubi Karolina və bir sıra başqa ştatlarda qələbələrini artıq rəsmiləşdiriblər.

Respublikaçı namizədlər isə Florida, Vayominq, Qərbi Virciniya, Arkanzas və digər bir neçə ştatda Senat seçkisində üstünlük əldə ediblər.

Nəzərə çatdıraq ki, Amerika Birləşmiş Ştatlarında seçki nəticələrini rəsmi elan edən tək bir mərkəzi federal orqan mövcud deyil. Bu vəzifəni ən böyük kütləvi informasiya vasitələri öz üzərinə götürür. Onların verdiyi təxminlərdən sonra siyasətçilər bir qayda olaraq ya qələbəni qeyd edir, ya da məğlubiyyətləri ilə barışırlar.

Senatın hazırkı tərkibində mövcud olan 100 kürsüdən 53-ü respublikaçıların, 47-si isə demokratlar və onların tərəfində olan müstəqil namizədlərin nəzarəti altındadır.

Davam edən seçkidə demokratlar Senatla yanaşı, Nümayəndələr Palatasına da nəzarəti öz əllərinə alıblar.

ABŞ vətəndaşları 100 senatordan 35-ni, eləcə də Konqresin Nümayəndələr Palatasının tam tərkibini - 435 üzvünü seçirlər.

İlkin hesablamalarına əsasən, hazırda Demokratlar Partiyası Senatda 226 yer (Çoxluq üçün 218 yer lazımdır), respublikaçılar isə 141 yer əldə ediblər.

Eyni zamanda, 36 ştatda qubernator seçkiləri də həyata keçirilir.