ABŞ ən mükəmməl təyyarəsini Qafqaza göndərdi – İlk dəfə

ABŞ Hərbi Hava Qüvvələrinin patrul təyyarəsi olan “Boinq B-8 Poseydon” ilk dəfə Gürcüstana gəlib.

Axar.az xəbər verir ki, bu məlumatı ABŞ-ın Gürcüstandakı səfirliyi yayıb. Səfirlik təyyarənin ölkəyə gəlişini tarixi an adlandırıb. Təyyarənin Qara dənizdə Gürcüstan sahil mühafizəsinin əməkdaşları ilə təlimdə iştirak etdiyi bildirilib.

Qeyd edək ki, “Boinq B-8 Poseydon” ABŞ-ın ən güclü təyyarələrindən sayılır. Bu təyyarə düşmənin sualtı qayıqlarını aşkarlayıb məhv etmək, kəşfiyyat aparmaq, gəmi əleyhinə və xilas əməliyyatlarında iştirak etmək üçün istifadə olunur.