ABŞ “görünməz” bombardmançılar yaradır

ABŞ “görünməz” bombardmançılar yaradır

ABŞ hərbçiləri “qara proqram” çərçivəsində müasir LSRO nüvə raketləri daşımaq iqtidarında olan B-21 bombardmançı təyyarələrini yaradır.

Axar.az xəbər verir ki, bu barədə “Varrior Maven” nəşri yazıb.

Məlumata görə, hazırda LSRO qanadlı raketləri də formalaşdırılma mərhələsindədir. Sözügedən raketlər B-21-lərlə yanaşı, artıq ABŞ Hərbi Hava Qüvvələrinin istismarında olan B-52 bombardmançı təyyarələrinə də uyğun olacaq.

Hazırda ABŞ ordusu B-21 təyyarələrinin ayrı-ayrı komponentlərini sınaqdan keçirir. Təyyarənin analoqu olmayan gizlilik sistemi ilə təchiz olunacağı bildirilir. Belə ki, təyyarənin tüstüsünü maksimal şəkildə görünməz etmək üçün müvafiq qurğular yeni bombardmançının damında yerləşdiriləcək.

B-21-lərin 2025-ci ildə silahlanmaya qəbul edilməsi gözlənilir.