ABŞ iki illik fasilədən sonra Türkiyəyə yeni səfir təyin edib.
APA “Anadolu Agentliyi”nə istinadən xəbər verir ki, bu barədə ABŞ-ın Türkiyədəki səfirliyinin rəsmi “Twitter” səhifəsində qeyd edilib.
“Ötən gecə ABŞ Senatı Devid Saterfildi ABŞ-ın Türkiyədəki yeni səfiri olaraq təsdiq edib. Yaxın gələcəkdə onu qarşılamağı səbirsizliklə gözləyirik”, - deyə “Twitter”də yazılıb.
Karyera səfiri olan Devid Saterfildin namizədliyi bu ilin fevralında ABŞ prezidenti Donald Tramp tərəfindən irəli sürülüb.
Qeyd edək ki, ABŞ-ın Türkiyədəki səfiri postu 2017-ci ildən bu yana boş idi. Sonuncu səfir Con Bas 2014-2017-ci illərdə bu vəzifəni icra edib.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.