ABŞ Türkiyə PUA-sını vurdu: Ərdoğan sərt qərar verəcək

ABŞ Türkiyə PUA-sını vurdu: Ərdoğan sərt qərar verəcək

Oktyabrın əvvəlində ABŞ hərbçilərinin Suriyada Türkiyə PUA-sını vurması ilə bağlı insidentdən sonra Ankara İsveçin NATO-ya üzvlük ərizəsinin ratifikasiyası məsələsindəki mövqeyinə yenidən baxa bilər.

Ens.az Axar.az-a istinadən xəbər verir ki, bu barədə “Hürriyət” qəzetinin yazarı Abduqadir Selvi yazıb.

Onun sözlərinə görə, Türkiyə Prezidenti Rəcəb Tayyib Ərdoğan son günlər ABŞ-ı bu hadisəyə görə kifayət qədər kəskin tənqid edir:

“Nəticə etibarı ilə bu, İsveçin NATO-ya daxil olmaq ərizəsinə Türkiyə parlamentində baxılması proseduruna mənfi təsir göstərə bilər. Əvvəllər hər şey parlamentin oktyabrda İsveçin müraciətini təsdiqləməsinin lehinə idi, lakin ABŞ Suriyada PUA-mızı vurduqdan sonra Ərdoğan yeni qərar verə bilər”.