AFFA-da 2019-2020 Lisenziyalaşdırma mövsümünün açılış iclası keçirilib

Dərc edildi: 19 oktyabr 2018, 12.53 Baxış sayı: 501

AFFA-nın İnzibati binasında Lisenziyalaşdırma qrupunun Azərbaycan Premyer Liqası və l Divizionda çıxış edən klub nümayəndələri üçün 2019-2020-ci il Lisenziyalaşdırma mövsümünün açılış iclası keçirilib.

"Report" qurumun saytına istinadən xəbər verir ki, toplantıda bəzi mövzular haqqında ətraflı məlumat verilib.

Paket sənədlərdə və Lisenziyalaşdırma üzrə qaydalarda baş vermiş dəyişikliklər, ötən mövsümün icmalı və lisenziyalaşdırma qrupunun mövsüm ərzində planlaşdırılmış tədbirlərlə bağlı məlumatlar klub nümayəndələrinə çatdırılıb.

İclasın sonunda Lisenziyalaşdırma qrupunun əməkdaşları klub nümayəndələrinin suallarını cavablandırıb.