Ağ Ev: ABŞ və Rusiya prezidentləri Yaxın Şərq, Venesuela və Ukraynadakı vəziyyəti müzakirə edib

Ağ Ev: ABŞ və Rusiya prezidentləri Yaxın Şərq, Venesuela və Ukraynadakı vəziyyəti müzakirə edib

Rusiya və ABŞ prezidentləri - Vladimir Putin ilə Donald Tramp 21-ci əsrin silahlara nəzarət modelləri ilə bağlı müzakirələri davam etdirməyi planlaşdırırlar.

“Report” RİA “Novosti”yə istinadən xəbər verir ki, bu barədə Yaponiyanın Osaka şəhərində keçirilən "G-20" sammiti çərçivəsində ABŞ və Rusiya liderlərinin görüşünün yekununda Ağ Evin “Twitter” səhifəsinin məlumatında deyilir.

Məlumatda bildirilir ki, ölkə başçıları münasibətlərin yaxşılaşdırılmasında hər iki tərəfin, eləcə də bütün dünyanın maraqlı olduğu fikri ilə razılaşıblar. Onlar həmçinin İran, Suriya, Venesuela və Ukraynadakı vəziyyəti müzakirə ediblər.

Qeyd olunur ki, prezidentlər həmçinin ikitərəfli münasibətlərin mövcud vəziyyəti barədə danışıblar.