Ağabacı Rzayeva - Azərbaycanda ilk qadın bəstəkar
Ağabacı Rzayeva - bəstəkar, Azərbaycan SSRİ-nin əməkdar incəsənət xadimi, Azərbaycanda ilk qadın bəstəkar. 1935-1944-cü illərdə Rzayeva Azərbaycan xalq çalğı alətləri orkestrində tarzən kimi fəaliyyət göstərib. Azərbaycan Radiosunda məsul musiqi redaktor olub. 1938-ci ildə Ağabacı Rzayeva Moskvadakı Azərbaycan İncəsənəti ongünlüyündə iştirak etmiş və bu tədbirin digər iştirakçıları ilə birlikdə Kremldə İosif Stalin tərəfindən qəbul edilib.
Rzayevanın ilk əhəmiyyətli musiqi əsəri 1941-ci ildə xalq çalğı alətləri orkestri üçün yazılmış "Vətənpərvərlik Marşı" idi. O, həmçinin bir sıra mahnı və romansların, "Mübahisə etmə" musiqili komediyasının (1965, İ.Quliyevlə birlikdə), xalq çalğı alətləri orkestrinin simli kvarteti üçün pyeslərin müəllifidir. Bundan əlavə, Rzayeva dahi şair Nəsiminin sözlərinə yeddi romans bəstələmişdir. Onun tərəfindən yazılan mahnıların (60-dan çox) əksəriyyəti uşaqlara həsr olunmuşdur ("Kukla", "Qaranquş", "Mənim ağ göyərçinim", "Sabahkı günün ustaları", "Kiçik kapitan", "Mən qərənfiləm" və s.).
Mənbə: moltes moltes
Şərhlər
Şərhləri göstər Şərhləri gizlət