Ağsuda ilk dəfə qarabaşaq istehsal olunub

Ağsunun Ləngəbiz kəndi ərazisində rayonda ilk dəfə qarabaşaq yetişdirilib və 176 ton məhsul istehsal olunub.

AZƏRTAC-ın bölgə müxbiri rayon Statistika İdarəsinə istinadla xəbər verir ki, Ləngəbizdə 320 hektarda qarabaşaq əkilib. Hər hektardan məhsul istehsalı 5,5 sentner olub.

Qeyd edək ki, rayonda qarabaşaq “Qarabağ taxıl” MMC-nin Ağsu filialı tərəfindən əkilib. Gələn il əkin sahələrinin genişləndiriləcəyi gözlənilir.