Alleqri: "Ronaldu "Yuventus"a gəldiyi üçün çox xoşbəxtdir"

"Yuventus"un baş məşqçisi Massimiliano Alleqri komandanın yeni transferi Kriştianu Ronaldu haqda açıqlama verib.

Milli.Az xəbər verir ki, 50 yaşlı mütəxəssis portuqaliyalı ulduzun "Yuve"yə gəldiyinə görə xoşbəxt olduğunu bildirib. İtalyan çalışdırıcı Ronaldunun gəlişi ilə işlərinin daha da çətinləşəcəyini deyib:

"Kriştianu Ronaldu ilə danışdım. "Yuventus"a gəldiyi üçün çox xoşbəxtdir. Lazım olan coşqunu onun gözlərində gördüm. Kriştianunun gəlişindən sonra işimiz bir az da çətin olacaq. Rəqiblər bizə qarşı daha da motivasiyalı olacaq. Bu həqiqəti qəbul edirik".

Qeyd edək ki, Ronaldu "Yuventus"a 100 milyon avro qarşılığında "Real"dan transfer olub.

Elçin Əlixan