![Almaniya yığması UEFA Millətlər Liqasında mövqeyini itirib](https://ens.az/images/news/7667bc210059f082ba0117da97eb3791.jpg)
UEFA Millətlər Liqasında V turun növbəti matçları keçirilib
UEFA Millətlər Liqasında V turun növbəti matçları keçirilib.
"Report"un məlumatına görə, turun ikinci oyun günündə 4 liqada ümumilikdə 7 görüş təşkil olunub.
A Liqasında Hollandiya Fransaya qalib gələrək, qrup liderliyi şanslarını saxlayıb. Əvəzində bu nəticədən sonra Almaniyanın qrupda sonuncu yeri tutaraq, B Liqasına enəcəyi dəqiqləşib. Bundestimlə "narıncılar"ın son tur oyunu formal xarakter daşıyacaq.
B Liqasında baş məşqçi dəyişikliyinə məruz qalan Slovakiya artıq 1-ci qrupun liderliyini təmin etmiş Ukraynanı darmadağın edib.
C Liqasında 3-cü qrupa başçılıq edən hər iki komanda səfərdə heç-heçəyə nail olub. "Qarabağ"ın futbolçusu Simeon Slavçevin çıxış etdiyi Bolqarıstan yığması Kiprə, Norveç isə Sloveniyaya məğlubiyyətdən son dəqiqələrdə qurtulub. Start heyətdə yer alan Slavçev 82 dəqiqə meydanda olub.
Nəhayət, D Liqasında Makedoniya səfərdə Lixtenşteyni 2 cavabsız topla üstələsə də, 4-cü qrup qalibi adını rəsmiləşdirə bilməyib. Buna Ermənistanın səfərdə Cəbəllütariqi darmadağın etməsi səbəb olub. Qrupda birinci yerin taleyi son turda həll olunacaq.
UEFA Millətlər Liqası, V tur
16 noyabr
A Liqası
1-ci qrup
Hollandiya - Fransa - 2:0
Qollar: Jorjinyo Veynaldum, 44. Memfis Depay, 90+6
Xal durumu: Fransa - 7 xal (4 oyuna), Hollandiya - 6 (3), Almaniya - 1 (3)
B Liqası
1-ci qrup
Slovakiya - Ukrayna - 4:1
Qollar: Albert Rusnak, 6. Yuray Kutska, 26. Adam Zrelyak, 52. Robert Mak, 61 - Yevgeni Konoplyanka, 47
Xal durumu: Ukrayna - 9 xal (4 oyuna), Çexiya - 3 (3), Slovakiya - 3 (3)
4-cü qrup
Uels - Danimarka - 1:2
Qollar: Qaret Beyl, 89 - Nikolay Yörgensen, 42. Martin Braytveyt, 88
Xal durumu: Danimarka - 7 xal (3 oyuna), Uels - 6 (4), İrlandiya - 1 (3)
C Liqası
3-cü qrup
Kipr - Bolqarıstan - 1:1
Qollar: Panagiotis Zaxaryu, 24 - Nikolay Dimitrov, 89 (pen.)
Sloveniya - Norveç - 1:1
Qollar: Benjamin Verbiç, 9 - Byorn Yonsen, 85
Xal durumu: Norveç - 10 xal (5 oyuna), Bolqarıstan - 10 (5), Kipr - 5 (5), Sloveniya - 2 (5)
D Liqası
4-cü qrup
Cəbəllütariq - Ermənistan - 2:6
Qollar: Andre Tjey de Barr, 10. Adam Prestli, 78 - Yura Movsisyan, 27; 48; 52; 54. Artur Kartaşyan, 66, Aleksandr Karapenyan, 90+4.
Lixtenşteyn - Makedoniya - 0:2
Qollar: Enis Bardi, 53. İliya Nesterovski, 90+1
Xal durumu: Makedoniya - 12 xal (5 oyuna), Ermənistan - 9 (5), Cəbəllütariq - 6 (5), Lixtenşteyn - 3 (5).
Qeyd edək ki, indiyədək Ukrayna ilə Bosniya və Herseqovina qrup qalibləri kimi A Liqasına, Finlandiya B Liqasına, Gürcüstan isə C Liqasına yüksəlib. Bu komandalar həm də "pley-off" mərhələsində iştirak hüququna yiyələniblər.
Şərhlər
Şərhləri göstər Şərhləri gizlət