Android əməliyyat sisteminin Azərbaycan üzrə bazar payı artıb

Ötən ay qlobal miqyasda Azərbaycanın əməliyyat sistemləri üzrə bazar payı açıqlanıb. Android əməliyyat sisteminin avqust ayında ölkəmiz üzrə bazar payı 46.98%-ə çatıb. Bu göstərici iyul ayında 46.89% idi. Göründüyü kimi sözügedən əməliyyat sisteminin bazar payında cüzi artım müşahidə olunur.

Ens.Az ted.az-a istinadən bildirir ki, bu haqda Global Stats analitik şirkətinin məlumatında deyilir.

Məlumata görə, Azərbaycan üzrə ikinci ən çox bazar payı Windows əməliyat sisteminin üzərinə düşür, 38.65%. Bu ilin iyul ayının göstəricilərinə nəzər salsaq (red: iyul ayında 38.07%) Windows əməliyyat sisteminin də payında artım görərik.

Azərbaycan üzrə bazar payı olan əməliyyat sistemləri sırasında daha sonra 7.54%-lə iOs, 4.12%-lə OS X, 1.68%-lə Unknown və 0.74%-lə Linux əməliyyat sistemləri yer alır.

Azərbaycanla yanaşı, əməliyyat sistemlərinin qlobal miqyasda da bazar payı açıqlanıb. Android əməliyyat sistemi 39.03%-lə payla birinci yeri bölüşür. Onun ardınca isə 35.35%-lə Windows, 14.55%-lə iOs, 7.75%-lə OS X, 1.5%-lə Unknown və 0.85%-lə Linux əməliyyat sistemləri gəlir.