Argentinada Messi ilə Skaloninin münasibətlərinin maraqlı tarixçəsi xatırlandı.

Tanınmış argentinalı idman jurnalisti və yazıçısı Serxio Levinski Argentina milli komandasının baş məşqçisi Lionel Skaloni ilə komandanın kapitanı Lionel Messi arasındakı xüsusi münasibətlərdən danışıb.

"Messinin Skaloni ilə çox yaxşı münasibətləri var. Onların hər ikisi Santa-Fe bölgəsindəndir. Messi Rosariodandır, amma adətən tətilini yaxınlıqdakı kiçik bir qəsəbədə keçirir. Skaloni isə Puxato adlı kiçik qəsəbədəndir.

Daha bir təəccüblü təsadüf də var. Messinin 2005-ci ildə Macarıstana qarşı Argentina millisində keçirdiyi ilk oyunda, demək olar ki, oyunun əvvəlində qırmızı vərəqə alaraq meydandan kənarlaşdırıldı. O, meydanı tərk edərkən ona yaxınlaşan və yola salan yeganə milli komanda üzvü Lionel Skaloni oldu. Skaloni Messinin yanında gedərək ona bu sözləri dedi: "Narahat olma. Heç nə olmaz. Hər şey yaxşı olacaq".

Markus Merklə mübahisəyə məhz Skaloni başladı. O, hakimə belə deyirdi: "Bu, gələcəyin ulduzudur. Bu, onun milli komandadakı ilk oyunudur. Belə bir hərəkətə görə, özü də yoldaşlıq görüşündə onu necə meydandan qovmaq olar?" Həmin vaxt Skaloni həm hakimin qarşısında Messini müdafiə edirdi, həm də meydanı tərk edən Leonu sakitləşdirirdi", – deyə "Sport-Express" Levinskinin sözlərindən sitat gətirir.

Mənbə:sport.ru