Aşıq Abbas Tufarqanlı - Zülümdü mənə

Bircə insaf eylə, a zalım Becan, 
Ayırma Abbasdan, zülümdü mənə. 
Sənsən bu ölkəyə ədalət, divan, 
Ayırma Abbasdan, zülümdü mənə.

Becan, sən eyləmə qəddimi kaman, 
Aşiqəm məşuqə, çəkdirmə aman, 
Sən olasan o duz-çörək, nəmək-nan, 
Ayırma Abbasdan, zülümdü mənə.

Pəri dərd əlindən yetişdi cana, 
Oldum yar eşqindən dəli-divana, 
Qəflə-qatır işlər o Tufarqana, 
Ayırma Abbasdan, zülümdü mənə.