Aşıq Bəsti - Bilmirəm

Uçubdu könlümün bürcü-barısı,
Neçə bənna ilə hörə bilmirəm. 
Ağlamaqdan tor gəlibdi gözümə,
İşıqlı dünyanı görə bilmirəm.

Əyibdi qəddimi çərxi-zamana, 
Qiymət qoyan yoxdu yaxşı-yamana, 
Gədələr bəy olub girib meydana,
Bəs kim dözər bu dağlara, bilmirəm?!

Əzəl gündən qara gəlib ruzgarım,
Bu qəmü möhnətdən artıb azarım, 
Qəlp çıxıb mətahım, yoxdu bazarım, 
Bəstiyəm dərdimə çara bilmirəm.