Aşıq Bəsti - Daşa dəydi
Məhəbbətim daşa dəydi,
Könlümün çırağı söndü.
Gəşt edirdi ərş-əlada,
Tərlan quşum yerə endi.
Mənim işim ahü-zardı,
Can verən yaralı yardı.
A dağlar, cəlalım vardı,
Bu dünyam tərsinə döndü.
Məni şahmar ilan çaldı,
Dərdsiz canım dərdə saldı.
Desələr Bəsti necoldu,
Deyin atəşlərə yandı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət