![Aşıq Bəsti - Gördünmü](https://ens.az/images/news/b6610fbede831526ee8957739fb2ced7.jpg)
Dərc edildi: Baxış sayı: 526
Aşıq Bəsti - Gördünmü
Gedən karvan, əylə görüm köçünü,
O yollarda Xançobanı gördünmü?
Söylə, nə buyurdu, söylə, nə dedi?
Ver bir nişan, o cavanı gördünmü?
Söylə, dumandımı dağların başı,
Buludlar tökürmü leysan göz yaşı?
Baxırmı yollara qərib başdaşı,
O dağlarda pərişanı gördünmü?
Qara gəldi bu Bəstinin dünyası,
Çatdı bülbüllərə qəmi, naləsi,
Kəsildi dağlardan tütək, ney səsi,
Necə susdu, o tərlanı gördünmü?
Şərhlər
Şərhləri göstər Şərhləri gizlət