Aşıq Fətulla - Yan barı
Bemürvət, beinsaf, əl çək zülümdən,
Şərik ol dərdimə, alış, yan barı,
Məcnunam, üzündən gəzirəm düzdə,
Soruş bu dərdimi, sən də qan barı.
İnsafdımı aşıq düşsün çöllərə,
Car etdim vəsfini cəmi ellərə.
Salmışam meylimi qönçə güllərə,
Eyləmə bülbülü bağrıqan barı.
Uca dağ başını qucaıı qar olar,
Bülbülün qisməti ahu-zar olar,
Qönçənin ətrini çəkən xar olar,
Eyləmə könlümü pərişan barı.
Fətullanın canı olubdu yarı,
Tərlansan, qoynuna almaynan sarı.
Mən əziz tutaram əhdi, ilqarı,
Az eylə aşiqi imtahan barı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət