Aşıq Heydər - A molla
Nə vardan qorxum yox, nə də ki, puldan,
Mərdlik adətimdi, bilnən, a molla.
Xeyir işdən ötrü tökmə qaş-qabaq,
Bizimlə bir yola gəlnən, a molla!
Nəyi bəyənmirsən, açıq söylə gəl?
Bu, Allah işidir, yoxdu bir əngəl,
Kişisən, kişi ol, mənə qurma təl,
Bir dodağın qaçsın, gülnən, a molla!
Niyə qaradasan, əzizin ölüb?
Sənin qaş-qabağın bizəmi qalıb?
Aşıq Heydər sənin mətləbin bilib,
Ya qızı ver, ya da ölnən, a molla!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət