Aşıq Heydər - Vədəsidi
Xal düşübdü yamac-yala,
Qar gedir, yaz vədəsidi.
Sevənlərə xəbər olar,
Gözəl avaz vədəsidi.
Nə gözəldi dağın döşü,
Danaqıran, mollabaşı,
Deyir, yola saldıq qışı,
Qızların naz vədəsidi.
Heydər, əsir dağın yeli,
İş-gücə tərpədir eli,
Çayın, gülün, suyun, selin,
Ördəklə qaz vədəsidi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət