Aşıq Heydər - Yaşılbaş sonalar göllərə gəlir

Göy buludlar arasından süzülüb,
Qatar - qatar nizamlanıb düzülüb,
Bir cərgəsi qatarından üzülüb,
Yaşılbaş sonalar göllərə gəlir.

Sellər - sular, aşır – daşır, sellənir,
Buz bulaqlar məcrasında göllənir,
Bülbül cıxıb yuvasından dillənir,
Yaşılbaş sonalar göllərə gəlir.

Ildırımlar guruldayıb çaxışır,
Novruz gəlir, küsülülər barışır.
Arpa göldə ördək qaza qarışır,
Yaşılbaş sonalar göllərə gəlir.