Aşıq Mirzə Bilal - Öldürdü

Məni bir qələm qaşlının
Nazı öldürdü-öldurdü.
Çiyni xurmayı saçlının
Sözü öldürdü-öldürdü.

Ağ əllərə hana yaxdı,
Zülfünü boynuma taxdı,
Naz eləyib mənə baxdı,
Gözü öldürdü-öldürdü.

Yar başına dolanmazdım,
Eşq oduna qalanmazdım,
Əğyar olsaydı yanmazdım
Özü öldürdü-öldürdü.

Dəryalarda olar ada,
Mənə gəlsin yardan qada,
Bilalı yar, bir də bada,
Düzu öldürdü-öldürdü,