Aşıq Murad Məhəmməd oğlu - Arasında
İstəsən hörmətin, üzün ağ olsun,
Şirin dilin ola bal arasında.
Aşiqinə zövqü-səfa bəxş edir,
O qələm qaşların xal arasında.
Cəfakeşsən, məşəqqətə sinə gər,
Mətləbi qan, hər söhbətə qulaq ver.
Sənətkarın qiymətini el verər,
Qədir-qiymət lazım el arasında.
Puçdur, nəyə lazım dövlətin, varın,
Qulluğunda yoxsa vəfalı yarın.
Varsa ağ sinədə cüt qoşa narın,
Murad, səhərəcən öl arasında.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət