Aşıq Musa - Düşdük
Mən sizə söyləyim, duran cavanlar,
Bu səfərdə əcəb tufana düşdük.
Dörd tərəfi aldı qarlı dumanlar,
Maral bulağında borana düşdük.
Bad fərman gətirib, elədi tüğyan,
Çaşdırdı yolları, dolandıq hər yan.
Bir ləhzədə zülmət kəsildi cahan,
Orda qırılmağı gümana düşdük.
Musanın dərdindən siz olun agah,
Bir daşa yoldaşım gətirdi pənah.
Üz tutduq Xudaya, biz tapdıq irah,
Yüz yol “llah” dedik, amana düşdük.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət