Aşıq Musa - O görükən dağlar sizin dağlardı
Başına döndüyüm, a Nərgiz xanım,
O görükən dağlar sizin dağlardı.
Fikirim, xəyalım, elmim, gümanım,
O görükən dağlar sizin dağlardı.
Atuçan, Daşlıçay, Çiçəkli, Lilpar,
Qoy deyim yerbəyer, dinarbədinar.
Yanında görünən künbəzli minar,
O görükən dağlar sizin dağlardı.
Gəzib o yerləri, Musadır halı,
Sədrinin yaylağı, Əyrinin yolu.
Çimən tamaşalı Düşəlgə gölü,
O görükən dağlar sizin dağlardı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət