Aşıq Musa - Sənsən
A bimürvət, soruşmadın halımı,
Artıran möhnəti, məlalı sənsən.
O süzgün baxışın alır canımı,
Sərəfraz dağların maralı sənsən.
Mail oldum ağ sinənin ağına,
Girəydim qoynuna – Cənnət bağına.
Əl ataydım Şamamanın tağına,
Dağıdan fikrimi xəyalı sənsən.
Musa deyər, mənəm bəxti qaralı,
Dərmandı xəstəyə ləblərin balı.
Səni sevən neylər dövləti, malı,
Malı, mülkü cahü cəlalı sənsən.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət