Aşıq Musa Süleymanoğlu - Bizim dağlar
Həsrətini çox çəkmişəm,
Bizim dağlar, bizim dağlar.
Gözüm yollara dikmişəm,
Bizim dağlar, bizim dağlar.
Obam, elim yerindəmi?
Sonam-gölüm yerindəmi?
Qələmqaşlım yerindəmi?
Bizim dağlar, bizim dağlar.
Bir taleyin qismətindən,
Bir ox dəydi düz sinəmdən.
Musa ayrı düşdü səndən,
Bizim dağlar, bizim dağlar.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət