Aşıq Qurbani - Alma

Üç ay yay dolanıb payız olanda,
Mәst olub sığışmır budağa alma.
Lalәdәn, qönçәdәn artıq deyilsәn,
Versәnә nәfsinә qadağa, alma!

Sәni yaradıbdı Cәlilü Cabbar,
Hüsnün kitabının adı kirdigar,
Özü xırdacana, dәnәsi gülnar,
Narnan düzülәydin otağa, alma!

Sәn ha Qurbaninin canın üzәrsәn,
Qaş oynadıb, gözlәrini süzәrsәn,
Adәtindi, әldәn-әlә gәzәrsәn,
Yoxdu sana qoruq-qadağa, alma!