Aşıq Qurbani - Bilmədinmi sən

Şəbnişin eyləyib yola düşmüşəm,
Yar, mənim gəldiyim bilmədinmi sən? 
Dərdini çəkməkdən dəli olmuşam,
Yar, mənim gəldiyim bilmədinmi sən?

Mən qurbanam sənin kimi canana, 
Olmuşam dərdindən dəli-divana, 
Dağılsm otağım, ev ilə xana,
Yar, mənim gəldiyim bilmədinmi sən?

Qurbani deyir ki: sonasan, sona,
Bir zaman görməsəm yanaram, yana, 
Qarabaş göndərdim əhdə, peymana, 
Yar, mənim gəldiyim bilmədinmi sən?