Aşıq Qurbani - Bu işə
Qadir Allah, səndən budu diləyim,
Pənahdarım, imdad eylə bu işə!
Səndən başqa yoxdur mənim köməyim,
Aman Allah, imdad eylə bu işə!
Bismillah elədim, girdim meydana,
Ümidim bağladım Şahi-mərdana,
Məcnun kimi məni qoyma divana,
Aman Allah, imdad eylə bu işə!
Qurbani der: əslim qaradağlıdı,
Yar üzündən ürək düyün-dağlıdı,
Zülm eləyən vəzir, namərd oğludu,
Aman Allah, imdad eylə bu işə!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət