Aşıq Qurbani - Gəncə hey
Könül qalxıb Bərdə sarı yeridi,
Orda bir ölkə var, adı Gəncə hey!..
Gözəlləri, məhbubları, xubları,
Olar batıb malü-mülkə, gencə hey!..
Geymək üçün yaşılı var, alı var,
Əmmək üçün ləblərinin balı var,
Xublarmm bir özgə cür halı var,
Hər yetənə vurmaq olmaz pəncə hey!
Qurbani der, vüsalına ermədim,
Əl uzadıb qönçə gülün dərmədim,
İran gəzdim, Turan gəzdim görmədim,
Gözəllikdə, məhbubluqda səncə hey!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət