Aşıq Qurbani - Görməsin
Xandı gələn, vəzirlər də yanınca,
Çək pərdəni, naməhrəmlər görməsin!
Kaş öləydim bu günlərə qalmca,
Çək pərdəni, naməhrəmlər görməsin!
Səs yayılar, sirrimizi bildirər,
Dost-düşməni axır bizə güldürər,
Müxənnətin sözü adam öldürər,
Çək pərdəni, naməhrəmlər görməsin!
Qurbani, başına yağar yağış, qar,
Ah, necə vətəndən oldum dərbədər,
Bu sevdaya düşən çəkər ahü-zar,
Çək pərdəni, naməhrəmlər görməsin!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət