Aşıq Qurbani - Gülə, gülə
Girdim yarın bağçasına,
Dedim dərdim gülə, gülə.
Məm ona elə müştağam,
Necə bülbül gülə, gülə.
Naşı bağban, satma gülü,
Haramdı axçası, pulu,
Küsdürdün şeyda bülbülü,
Daha gəlməz gülə, gülə.
Qurbaniyəm, erməmişəm,
Yar qəsrinə girməmişəm,
Belə cəllad görməmişəm,
Aldı canım gülə-gülə.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət