“Avronyus” müxbiri Laçın postunda: erməniləri məyus etdi

Ötən gün “Avronyus” (Euronews) jurnalisti Annelise Borxes Laçın sərhəd-keçid məntəqəsini də ziyarət edib.

Ens.az Axar.az-a istinadən xəbər verir ki, bu barədə jurnalist öz sosial şəbəkə hesabında status paylaşıb.

“Laçın dəhlizi. 22 iyul. İndi buradan Qırmızı Xaç Komitəsinin maşınları keçir. Bu, Ermənistan-Azərbaycan münaqişəsinin ən mübahisəli hissəsidir.

Ermənilər deyirlər ki, Azərbaycan onları mühasirədə saxlayır, baxmayaraq ki, azərbaycanlılar sadəcə olaraq sərhədlərinə nəzarət edir, humanitar yardımın keçməsinə icazə verirlər”, - o bildirib.

Qeyd edək ki, erməni mediası ya onun statusunu tam verməyib, ya da Borxesin “çox güman ki, Şuşada keçirilən qlobal forumun iştirakçılarından biridir” deyə, mövqeyini nəyəsə bağlamağa çalışıblar.