Avropanın ən dəyərli futbolçusu müəyyənləşdi: 443,6 milyon manat

Finans şirkəti KPMG Avropanın ən dəyərli futbolçularını müəyyənləşdirib

Finans şirkəti KPMG Avropanın ən dəyərli futbolçularını müəyyənləşdirib.

 

Fanat.Az xəbər verir ki, şirkətin araşdırmasına görə, "köhnə qitə"də oynayan ən dəyərli futbolçu PSJ-nin ulduzu Neymardı. Yaş, performans və başqa bəzi kriteriyalar üzrə aparılan araşdırma zamanı bəlli olub ki, braziliyalı futbolçunun dəyəri 206,5 milyon funt-sterlinqdi (təxminən 443,6 milyon manat).

 

"Sambaçı"nı PSJ-dəki komanda yoldaşı Kilian Mbappe izləyir. Fransa millisinin 20 yaşlı ulduzuna 193,8 milyon funt-sterlinq (təxminən 416,3 milyon manat) qiymət qoyulub.

 

İlk "üçlüy"ü "Barselona"nın futbolçusu Lionel Messi qapayır. Argentinalı ulduzun dəyəri 183,2 milyon funt-sterlinqdi (təxminən 393,5 milyon manat).

 

"Yuventus"un ulduzu Kriştiano Ronaldo "onluğ"a düşə bilməyib. Portuqaliyalı futbolçuya 96,5 milyon funt-sterlinq (təxminən 207,3 milyon manat) qiymət qoyulub.