AYNA: Bakıda taksilərin 60 faizinin yaşı 15 ildən çoxdur

“Paytaxtda taksi fəaliyyəti göstərən nəqliyyat vasitələrinin 60 faizinin yaşı 15 ildən çoxdur”.

Ens.az Oxu.az-a istinadən xəbər verir ki,  bunu Azərbaycan Yerüstü Nəqliyyat Agentliyinin İdarə heyətinin sədri Anar Rzayev Azərbaycanda mobilliyin transformasiyası proqramının təqdimatı zamanı çıxışında deyib.

O bildirib ki, Bakıda taksilərin yeddi faizinin yaşı beş ilə qədər olan nəqliyyat vasitələridir:

“Hazırda paytaxtda yaşı 5-10 il aralığında dəyişən taksilər 10 faiz, 10-15 il aralığında dəyişənlər isə 21 faiz təşkil edir. Yaşı 15-20 il olan taksi fəaliyyəti göstərilən nəqliyyat vasitələri 42 faiz, yaşı 20 ildən çox olan taksilər isə 20 faiz təşkil edir”.