Azərbaycan bayrağı
Müstəqillik simvolu üç rənglidir bayrağım,
Üzərində həkk olub həm ulduzum, həm ayım,
Bu günümə köməyim, gələcəyə dayağım,
Millətimin şərəfi, həm qismətim, həm payım.
Azərbaycan bayrağım!
***
Dalğalanır zirvədə, dalğalanır Xəzərdə,
Çox mötəbər yerləri varlığilə bəzər də,
Əzizlənib qorunub, saxlanarsa nəzərdə,
Çilçıraqlı olacaq Azərbaycan sarayım!
Azərbaycan bayrağım!
***
Başı göylərə bağlı, ayağı torpaqdadır,
Sinəsi od-alovlu, əməlləri haqdadır,
Bayrağım ayaqdasa, millətim ayaqdadır,
Onu düşmən köksünə sancacaqdır alayım!
Azərbaycan bayrağım!
***
Harada qaldırılsa dövlətin vüqarı tək,
Uğuru xeyir olsun, qədəmləri mübarək!
İki göz bəbəyi tək onu qorumaq gərək,
Onunla yetəcəkdir gələcəyə harayım!
Azərbaycan bayrağım!
Azərbaycan bayrağım!
Şərhlər
Şərhləri göstər Şərhləri gizlət