Azərbaycan Dövlət Pedaqoji Kolleci

Azərbaycan Dövlət Pedaqoji Kolleci (əvvəlki adı: M.Ə. Sabir adına Bakı Pedaqoji Texnikumu) — Azərbaycan Respublikası Təhsil Nazirliyinin tabeliyində olan orta-ixtisas təhsili müəssisəsi

Tarix

Bu kollec 1919-cu ildə yaranmışdır.

Bundan əvvəlki adı M.Ə. Sabir adına Bakı Pedaqoji Texnikumu olmuş və 23 dekabr 1999-cu ildən Azərbaycan Respublikası Nazirlər Kabinetinin Qərarına əsasən M.Ə.Sabir adına Azərbaycan Dövlət Pedaqoji Kolleci adlandırılmışdır. 13 iyun 2000-ci ildə Azərbaycan Respublikası Prezidentinin Fərmanına əsasən müəssisənin adından şəxs adı götürülmüşdür.

Adları

Kollec 1919-cu ildən indiyə kimi müxtəlif adlarla fəaliyyət göstərmişdir:

• 1919-1920-ci illərdə — Bakı Kişi Müəllimləri Seminariyası;
• 1920-1925-ci illərdə — Bakı Qadın Müəllimləri Seminariyası;
• 1925-1926-cı illərdə — Bakı Müttəhid (Birləşmiş) Müəllimlər Seminariyası;
• 1926-1930-cu illərdə — Azərbaycan Mərkəzi Beynəlmiləl Pedaqoji Texnikumu;
• 1936-1938-ci illərdə — M.Ə.Sabir adina Mərkəzi Beynəlmiləl Texnikumu;
• 1938-1963-cü illərdə — M.Ə.Sabir adına Rus Pedaqoji Məktəbi;
• 1968-ci ildən — M.Ə.Sabir adına Bakı Pedaqoji Məktəbi;
• 1991-ci ilin dekabrından — M.Ə.Sabir adına Bakı Pedaqoji Texnikumu;
• 23 dekabr 1999-cu ildən — M.Ə.Sabir adına Azərbaycan Dövlət Pedaqoji Kolleci;
• 13 iyun 2000-ci ildən — Azərbaycan Dövlət Pedaqoji Kolleci.

İxtisaslar

Kollecdə aşağıdakı ixtisaslar üzrə mütəxəssislər hazırlanır:

• İbtidai sinif müəllimi;
• Fiziki tərbiyə müəllimliyi;
• Texnologiya müəllimliyi;
• Məktəbəqədər təlim və tərbiyə;
• Məktəbəqədər təhsildə korreksiyaedici təlim;
• Ailə və ev təhsili;
• Peşə təlimi.

Kontingent

Kollecdə əyani və qiyabi şöbələr üzrə ümumilikdə 3000-nə qədər tələbə təhsil alır.

260 nəfər müəllim fəaliyyət göstərir ki, onlardan 1 nəfər elmlər doktoru, professor, 12 nəfər elmlər namizədi, 14 nəfər baş müəllim, 18 nəfəri isə dissertantdır.