Azərbaycan gimnastları Dünya kuboku mərhələsində birinci olublar

Azərbaycan gimnastları İlya Qrişunin və Ruslan Ağamirov Dünya Kuboku mərhələsində batut üzərində sinxron tullanmaq yarışında birinci olublar.

“Report” xəbər verir ki, yarış İsveçrənin Aroza şəhərində keçirilir.

Yarışda ikinci yeri Ukraynadan olan cütlük Dmitri Sobakar və Anton Davıdenko, üçüncü yeri isə bolqar gimnastlar Mariann Mixalyev və İvelin Yordanov tutublar.