Azərbaycan millisinin futbolçusu “Qalatasaray”la oyunda penaltiyə səbəb olub

Azərbaycan millisinin futbolçusu “Qalatasaray”la oyunda penaltiyə səbəb olub

Azərbaycan millisinin futbolçusu Ufuk Budak Türkiyə Kubokunda penaltiyə səbəb olub.

“Report” xəbər verir ki, “Boluspor”un formasını geyinən sol cinah müdafiəçisi “Qalatasaray”la 1/8 final mərhələsinin cavab görüşündə diqqət mərkəzinə düşüb. İkinci yarıda rəqib oyunçu Yunus Akgün Budakla mübarizədə yerə yıxılıb. Referi Serkan Tokat epizodu düzgün qiymətləndirmək üçün videotəkrar sisteminə (VAR) müraciət etməli olub və penalti qərarı verib.

78-ci dəqiqədə topun başına keçən zərərçəkən dublunu rəsmiləşdirib. Matç “Qalatasaray”ın 4:1 hesablı qələbəsi ilə başa çatıb.

Qeyd edək ki, səfərdə keçirdiyi ilk oyunda da qalib gələn (1:0) İstanbul təmsilçisi 1/4 finala vəsiqə qazanıb.