Azərbaycan Premyer Liqasında XIII turun oyunlarının başlama saatı müəyyənləşib

Futbol üzrə Azərbaycan Premyer Liqasında XIII turun oyunlarının başlama saatları müəyyənləşib.

"Report" çempionatın yayımçısı "CBC Sport" telekanalına istinadən xəbər verir ki, iki günü əhatə edəcək turun açılış matçı dekabrın 1-də "Sumqayıt" və "Səbail" komandaları arasında keçiriləcək. Həmin oyun saat 16:30-da start götürəcək. 

Günün digər oyununda isə debütant "Sabah" turnir cədvəlinin lideri "Neftçi"ni qəbul edəcək. Qarşılaşma saat 19:00-da başlayacaq.

Turun daha iki qarşılaşması isə dekabrın 2-də oynanılacaq. "Qəbələ" - "Zirə" dueli saat 17:00-da, "Qarabağ" - "Keşlə" görüşü isə saat 19:30-da başlanacaq.