![Azərbaycan qan tökülmədən Qarabağı geri ala bilər](https://ens.az/images/news/9cac8bddd343e3d480dac4834b1608d2.jpg)
Rusiyalı ekspert: Bakının öz ərazilərini qan tökülmədən qaytara biləcəyi vaxt çatıb
Ermənistan yenidən silkələnir və elə görünür ki, ölkə vətəndaş müharibəsi astanasındadır.
Bunu Trend-ə rusiyalı ekspert və teleaparıcı Yevgeni Mixaylov Ermənistandakı son hadisələri şərh edərkən deyib.
Ekspert bildirib ki, populist şüarlarla hakimiyyətə gələn Nikol Paşinyan yarana vəziyyəti nəzarətdə saxlaya bilməyib:
“O bəyan edir ki, onu xalq dəstəkləyir, amma elə həmin xalq onu tarixin bir kənarına atacaq. Aydındır ki, buraxılması istənildiyi parlamentdə oturanlar və istefaya göndərilmiş nazirlər öz mövqelərini asanlıqla verməyəcək”.
“Hesab edəriəm ki, Paşinyan müəyyən şərtlərlə Azərbaycana da müraciət edə bilər. Azərbaycan hələ ki, sakitcə müşahidə edir və Dağlıq Qarabağ məsələsinin həlli üçün vəziyyətdən istifadə etmir. Əslində, Yerevanda vəziyyət çox ağırdır. Bura Vladimir Putinin Yerevana baş tutmayan səfərini və onun Paşinyanla Düşənbədə çox qısa söhbətini əlavə etmək olar. Fikrimcə, bütün bunlar təsadüfi deyil”.
Rusiya ekspert əlavə edib ki, bu vəziyyətdə Bakı de-yure Azərbaycana məxsus olan Qarabağ ərazilərini faktiki olaraq qan tökülmədən geri ala bilər.
Şərhlər
Şərhləri göstər Şərhləri gizlət