Azərbaycanda pandemiya dövründə bu məhsulların istehsalı artıb

Azərbaycanda pandemiya dövründə bu məhsulların istehsalı artıb

2020-ci ilin yanvar-iyul aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 705,9 milyon manatlıq məhsul istehsal edilib.

Ens.az Modern.az-a istinadən xəbər verir ki, əvvəlki ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 7,8 dəfə, kimya sənayesində 18,8 faiz, rezin və plastik kütlə məmulatlarının istehsalında isə 19,0 faiz artıb. 

Əsas kimya məhsullarından metanol istehsalı 26,0 faiz, propilen istehsalı 25,6 faiz, etilen istehsalı 24,3 faiz artıb. Rezin və plastik kütlə məmulatlarından məsaməli polistirol lövhələr və zolaqların istehsalı 2,6 dəfə, bərk polipropilen boruların istehsalı 25,2 faiz artıb.