Azərbaycanda sığorta satıcıları nə qədər təcrübəlidirlər ?

Fins.az sığorta mütəxəssisi Elçin Eyvazovun sığorta satıcıları barədə yazısını təqdim edir .

Sığorta sektorunun ümumi bir probblemi var, oda sığortas satıcılarının (agentlərinin)ünsiyyət problemi. Nədənsə oxumağı çox sevmirlər. Daha çox işlərinə fokuslanırlar.Mənim əsas toxunmaq istədiyim məsələ, sektorun satış tərəfidir.Şirkətin personalı, sığorta satıcıları (agentləri) şirkətlərin birbaşa satış işçiləridir və sığorta bazarında şirkəti təmsil edənlərdir. Bu qədər elm və texnika inkişaf etməsinə baxmayaraq hələdə köhnəlmiş və şablon sözlərdən istifadə edərək “satış edən” satıcılarına rast gəlinir. Mənə hər həftə ən az iki üç telefon gəlir: "Biz filan şirkətdən zəng vururuq, avtomobilinizi sığorta edək?" “Başqa avtomobiliniz var?”,“Xahiş edirəm bizdə sığorta etdirin” “Hara desəniz özüm gələrəm” və s. Və beləcə şirin bir söhbət getdikcə uzanır.Belə bir satış təbii ki qarşı tərəfdə güvənsizlik yaradır (kobud cavab verənləri demirəm hələ). Bəzi hallarda isə satıcı əxlaqına uyğun olmayan diloqlarda yaranır. Yetər ki satış baş tutsun. Belə bir unsiyyət olan yerdə əlbətdəki müştəri məmnuniyyətindən söz gedə bilməz. Bu satıcı dostlar nəzəri biliklərə sahib olması lazım deyilmi? Ya da dünyada baş verən prosesləri təqib etmələri lazım deyilmi? Bunlarda bir kənara, öz peşələri ilə bağlı məlumatları sosial şəbəkədən izləmək onlar üçün bir inkişaf və bilikmənbəyi deyilmi? Ən azından rəqiblərinin nə etdiklərini bilmək, araşdırmaq öyrənmək bir satıcıya vacıb deyilmi? Öz şirkətinin güclü və zəif tərəflərini bilmələri lazım deyilmi? Xidmət verdikləri sektor haqqında məlumat sahibi olmaq o qədərmi çətindir?

Sığorta xidməti cəmiyyətdə əmin-amanlıq və etimadın yaranmasına və həmrəyliyin artmasına xidmət etməlidir. Hər şeydən əvvəl müştəriyə düzgün xidmət göstərilməsi və bu xidmətin ilk görüşdən səhvsiz olaraq təqdim edilməsi lazımdır. Bu müştərilərin sığorta şirkətinə etibar edilməsində ən mühüm amildir. Bu baxımdan satış prosesində içərisindəsatış nümayəndəsinin (sığorta agentinin) əhəmiyyəti də beləcə ortaya çıxmış olur. Bir sığorta agentinin (satıcının)hər cür münasibətlərdə, işlərində, əməllərində və fəaliyyətində aşağıdakı ümumi prinsipləri gözləmək məcburiyyətindədir:

Dürüstlük: Bir sığorta agenti (satıcı) dürüst işləmək məcburiyyətindədir. Əhəmiyyətli olan işin nəyin bahasına olur olsun alınması deyil, müştərinin maraqları çərçivəsində olmalıdır. Müştəri şübhə etmədən güvənərək sığorta şəhadətnaməsini əldə etməlidir.

Etibarlılıq: Bir sığorta agenti müştərilərlə münasibətində etibarlı olmaq məcburiyyətindədir. Bütün xidmətlər qarşılıqlı inam anlayışı içində aparılmalıdır. Sığorta agentləri müştərilərinə, aydın, açıq və düzgün məlumatlar vermək məcburiyyətindədir. Verilən xidmətlər vaxtında və tam olaraq yerinə yetirilməlidir.

Şəffaflıq: Bir sığorta agenti yalnız müştərilərinə qarşı deyil, öz aralarında və ya sığorta şirketilerinə qarşı da şəffaf davranmalıdır. Məhsul haqqında verdiyi məlumatlat  asan və aydın başa düşülən olmalıdır.

İstehlakçı və insan hüquqlarına hörmət: İstehlakçı hüquqlarının əsasını insanlara hörmət göstərmək və onlara dəyər vermək təşkil edir. Bütün inkişaf etmiş cəmiyyətlərdə bu belədir. İnsanlar şirkətlər üçün deyil şirkətlər insanlar üçün vardır. Sığorta agentləridə də eyni dünyagörüşü ilə müştərinin haqlarına hörmətlə yanaşmaq məcburiyyətindədir.

Sosial məsuliyyət: Sığorta, xidmət sektorunun bir sahəsidir. Sosial münasibətlər baxımından isə sosial yardımlaşma təşkilatı kimidə görülə bilər. Çünki sığorta şirkətləri şəxs və təşkilatların risklərini üzərlərinə götürməklə onlara daha rahat iş və həyat şəraiti yaradır. Belə olduqda həm sığorta şirkətləri, həm də sığorta agentləri risk satın almaqdan başqa, sosial və mədəni tədbirlərə də dəstək verməyə diqqət göstərmələri lazımdır.

Rəqabət: Sığorta agentləri, haqsız rəqabətə yol açacaq bütün davranışlardan çəkinmək məcburiyyətindədirlər. Satış prosesində rəqib şirkətləri qaralamaq, satıcı əxlaqına uyğun olmayan davranışlardan uzaq durmalıdırlar. Əks təqdirdə nə özlərinə nədə çalışdıqları şirkətə güvən qazandıra bilməzlər.

Anons, elan və reklamlar: Vasitəçilik strukturlarına qarşı və ya məhsul və xidmətlərin təqdimat və marketinqinə qarşı təbliğat, elan və reklamlarda, qanunlara və ümumi əxlaqa uyğun davranmaq məcburiyyətindədirlər.

Siyahını uzatmaq olar. Sadəcə qısa olaraq əsas məqamlara toxundum.Bütün bu səylərin içərisində satıcı-müştəri münasibətləri, mövqelər, iş formaları, keyfiyyət və satış sonrası xidmətlər, təqdim olunan xidmətin əhəmiyyətini də önəm daşıyan məsələlərdəndir.

Elm və texnikanın inkişaf etdiyi,  rəqiblərin isə hər sahədə artdığı bir zamanda, məhsul və xidmət əvəzinə güvən əlaqəsi satan, müştərinin ehtiyaclarını dinləyən, doğru zamanda doğru adamla əlaqə yaradan və etirazlara peşəkarcasına cavab verən, özünə vaxt ayıran və hədəfə fokuslanan satıcılar daha uğurlu olacaqlar. Rəqiblərdə yuxarıdakı səhvləri hər zaman edəcəklər və onlarında sayı az deyildir. Amma real rəqib azdır. Etdiyiniz səhvləri azaldaraq gələcək illərdə rəqibinizdən daha uğurlu olmaq sizin öz əlinizdə.