Azərbaycanın iki komandası Antalyada problemlə üzləşib

Azərbaycanın iki komandası Antalyada problemlə üzləşib

Türkiyənin Antalya bölgəsində təlim-məşq toplanışında olan Azərbaycanın iki komandası problemlə üzləşib.

“Report” xəbər verir ki, “Səbail”in Qazaxıstan “Kaysar”ı ilə oyunu güclü dolu səbəbindən 20-ci dəqiqədə yarımçıq dayandırılıb və ləğv edilib. 

Həmçinin “Qəbələ”nin Rusiyanın “Fakel” kollektivi ilə bu günə nəzərdə tutulan matçı da baş tutmaya bilər. Klubdan “Report”a verilən məlumata görə, Bakı vaxtı ilə saat 18:00-da start götürməli olan qarşılaşma əlverişsiz hava şəraiti ilə əlaqədar, böyük ehtimalla, ləğv ediləcək. Matçın keçirilib-keçirilməyəcəyi yarım saat ərzində dəqiqləşəcək.

Qeyd edək ki, Antalya toplanışı ərzində Azərbaycanın bir çox komandasının oyunları da güclü yağış üzündən baş tutmayıb.